Koraalorkest Hymne

Koraalorkest Hymne hâldt der mei op

De lêste tiid rûn it tal leden fan Hymne stadichoan achterút. Hieltiid slagge it mei wat help fan bûten om noch op te treden. Yn de maitiid fan 2026 wie it tal leden ûnder de 15 sakke. Je hoege gjin grut boekhâlder te wêzen om yn sa’n gefal út te rekkenjen dat mei in gongber ledejild gjin dirigint en saalhier betelle wurde kinne. Der wie troch it bestjoer fan alles besocht om it korps nij libben yn te blazen en ek de subzydzje fan de gemeente om reklame te meitsjen smiet net genôch op.

Yn de ledegearkomste fan april is unanym besletten om der in punt achter te setten. It bestjoer hat de opdracht krigen om de saken om it opheffen fan de feriening op gong te bringen en fierder ôf te hanneljen. It orkest hat moaie en minder moaie tiden belibbe. Hichte punten wiene de trije CD’s ûnder lieding fan dirigint Jan Brens. Benammen op de tredde kinne de leden grutsk wêze. Yn it twadde desinium hie Hymne in dikke trichtich leden. Ek de konserten ûnder lieding fan Roelof Bakker en Menno Haantjes wiene altyd tige de muoite wurdich.

Mei in gesellige jûn ha de leden ôfskied nommen fan Hymne. De namme is weromjûn oan de oprjochter Jan Brens. Hy giet fierder mei dy namme as Projektorkest Hymne jierliks twa of mear konserten te jaan. Hjir sille âld-leden fan Hymne ek har meiwurking oan jaan.

Op 4 maaie koe der noch mei in groepke spile wurde op de deadebetinking yn Twellegea.

Krystkonsert Twellegea

Konsert Hymne mei Gurbe Douwstra

Programma op snein 6 april

Musyk foar miljoenen

Lid wurde fan Hymne?

Konsert yn Talmastate Heech nov. 2024

Kryst 2023 PCOB Martinitsjerke Snits

Krystkonsert 2022 û.l.f. Willem Flisijn

In krystwinsk

Rock in the Mountains 

Introïtus foar de Kryst by de PCOB yn Snits

In priuwke fan it Hjerstkonsert mei Regenboogkoor

De opname is makke troch Jan Daems.